Plantun de Prouvènço

Pèr coumpara dos planto d'encò nostre

Picea glauca & Alleniella complanata

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.

Port : Aubre
Taio : 10 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Picea
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2000 m
Aparado : Noun
Abriéu à juliet

Liò : Sapiniero
Estànci : Mountagnard à Subaupen
Couroulougi : Éurasiatico
Ref. sc. : Picea glauca (Moench) Voss, 1907

Oundulino-di-ramo-plano

Alleniella complanata

Neckeraceae

Nom en français : Onduline aux rameaux applatis.

Descripcioun :
Aquelo mousso pluroucarpo trachis majamen sus li pège e ramo d'aubre dins li relarg umide e souvènt sourne, ounte fai de placo jaunastro e lusènto. Se recounèis pulèu eisadamen bonodi si ramo e si fueio dins lou meme plan. Aquésti darriero an ges de costo, porton un bout redoun acaba pèr un benc.

Usanço :
Se pòu engana emé lis àutri mousso dóu meme gènre coume Alleniella besseri, pamens aquesto radiero a ges de benc ; Exsertotheca crispa a li fueio oundado e se n'en destrìo eisadamen.

Port : Pluroucarpo
Taio : 5 cm
Fueio : 1,2 mm
Tipe bioulougico :
Cicle bioulougico : Planto renadivo

Gènre : Alleniella
Famiho : Neckeraceae

Ordre : Hypnales

Coulour de la flour :
Petalo : 0,7 à 1,2 cm
Ø (o loungour) flour : Coumplet
Flourido : Printèms

Sòu : Ca
Autour basso e auto : 50 à 2000 m
Aparado : Noun
Mars à mai

Liò : Pège à l'oumbro - Roco à l'oumbro - Ramo à l'oumbro
Estànci : Mesoumediterran à Subaupen
Couroulougi : Oulartico
Ref. sc. : Alleniella complanata (Hedw.) S.Olsson, Enroth & D.Quandt, 2011 (= Neckera complanata (Hedw.) Huebener, 1833 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Picea glauca & Alleniella complanata

ges

RRR

Coumpara Serento(-verdalo) emé uno autro planto

Coumpara Oundulino-di-ramo-plano emé uno autro planto